Novas

17-01-2020 -

O Concello inviste máis de 43.000 euros nas obras de mellora na unitaria de Sillobre

O alcalde de Fene, Gumersindo Galego, visitou esta semana a escola unitaria de Sillobre para supervisar o remate das obras de mellora realizadas no centro escolar. Intervencións que contaron cun orzamento superior aos 43.000 euros con cargo a fondos propios e que se executaron tanto no interior como no exterior do inmoble.

En concreto, o Concello procedeu ao acondicionamento do acceso, mediante a creación de itinerarios a base de formigón prensado delimitados por pedra blanca. Así mesmo, Gumersindo Galego explicou que tamén se actuou na zona exterior de xogos, onde se sitúan diferentes elementos e o areeiro. Alí, instalouse un novo chan de caucho.
16-01-2020 -

O Concello de Fene conclúe o aglomerado do Camiño de Ameneiro

O Concello de Fene vén de concluír as obras de aglomerado do camiño de Ameneiro, na parroquia de Sillobre. Nesta liña, o alcalde, Gumersindo Galego, explicou que a Administración local investiu na intervención 40.472,36 euros con cargo ao Plan de Mellora de Camiños que promove a Axencia Galega de Desenvolvemento Rural (Agader).
16-01-2020 -

Peche das instalacións deportivas municipais descubertas e cancelación dos adestramentos ao aire libre

O Concello de Fene anuncia para o xoves 16 de xaneiro o peche das instalacións deportivas descubertas municipais durante a tarde de hoxe por mor da alerta laranxa por "ventos en terra" que afecta ao termo municipal. A medida implica a cancelación dos posibles adestramentos previstos nestas instalacións namentres continúe activa a alerta meteorolóxica.
10-01-2020 -

O Concello conclúe a reforma integral do parque e pista deportiva de Fonte do Campo, que conta xa cunha gran tirolina para nen@s de 4 a 14 anos

O alcalde de Fene, Gumersindo Galego, informou esta mañá do remate das obras de remodelación do parque infantil e pista deportiva do entorno de Fonte do Campo. Unha ambiciosa intervención que supuxo a transformación da zona tras un investimento de 48.037 euros con cargo ao superávit municipal.

Nesta liña, Gumersindo Galego explicou que a zona conta agora cunha gran tirolina cun percorrido de 20 metros, pensada para nenos e nenas de entre 4 e 14 anos. Ademais, procedeuse á retirada dos elementos de xogo existentes e instaláronse novos elementos, así como un panel informativo de usos e teléfonos en caso de emerxencia. Ademais, construiuse un novo sendeiro de acceso de entrada á zona con pavimento de terrizo e delimitado por un bordillo de madeira.
09-01-2020 -

Unhas 200 nenas e nenos tomaron parte en Fene na Exhibición do Club de Ximnasia Artística Ferrolterra

O pavillón de San Valentín acolleu o pasado sábado a tradicional Exhibición de Nadal do Club de Ximnasia Artística Ferrolterra, despois de que tivese que ser aprazada por mor do temporal. O festival, no que as/os ximnastas do clube amosaron o aprendido nestes meses, artellouse a modo de Xogos Olímpicos. Así, cada un dos dez grupos que conforman o clube representaba a un país e un deporte... realizando exercizos de ximnasia artística nos distintos aparellos: chan, barra, paralelas e salto.
08-01-2020 -

Conferencia da activista Amelia Tiganus este xoves na Casa da Cultura de Fene

O salón de actos da Casa da Cultura de Fene será escenario este xoves 9 de xaneiro da charla “Prostitución e pornografía: violencia sexual e comercial”, a cargo da activista Amelia Tiganus. A charla dará comezo ás 18,30 horas, con entrada libre e de balde ata completar aforo. Así mesmo, nesa xornada e máis o venres 10, acudirá aos centros de Secundaria e Bacharelato de Fene: CPI A Xunqueira, IES de Fene e Colexio Jorge Juan, para impartir charlas ao alumnado sobre pornografía e sexualidade, aspectos que hoxe en día contribúen ao repunte da violencia sexual contra as mulleres, sobre todo na poboación adolescente.
07-01-2020 -

Os máis pequenos de Fene estrean o primeiro parque inclusivo do municipio

O alcalde, Gumersindo Galego, informaba esta mañá da posta en servizo do primeiro parque infantil 100% inclusivo do municipio, accesible a nivel motriz, sensorial e mental. Unha zona de xogos cuxas obras o Concello recepcionaba a semana pasada. Sitúase en San Valentín, nas inmediacións do pavillón, e a intervención contou cun investimento duns 40.000 euros.
03-01-2020 -

Fene habilita un novo parque infantil xunto á casa consistorial

O alcalde de Fene, Gumersindo Galego,informou do remate das obras de construción do parque da infancia. Unha nova zona de xogos infantís emprazada en pleno centro de Fene, nas inmediacións da casa consistorial. Un espazo que requeriu dun investimento de 39.000 euros máis IVE financiado con cargo ao superávit municipal que, segundo explicou o rexidor, o goberno local xa planteara en 2015, pero que non puido materializarse daquela pola negativa dos grupos da oposición.
A zona ocupa uns 228 metros cadrados, dos que 162 están adicados exclusivamente ao xogo infantil e os restantes, a zona verde. O parque está delimitado por un peche perimetral de madeira, conta con chan de caucho e dous xogos multifunción e un balancín. Os primeiros constan de dúas torres con tellado e unha ponte de unión, así como unha terceira torre, taboleiros para trepar, corda, ponte oscilante e un tobogán. A intervención completouse coa instalación dun panel informativo.
03-01-2020 -

Os Reis Magos visitarán Fene este domingo para atender as peticións dos máis pequenos da casa

Convidados polo Concello, as súas Maxestades os Reis Magos de Oriente visitarán Fene este domingo para facer un percorrido polas rúas do municipio e compartir a tarde cos máis pequenos da casa. Atenderán as súas peticións e, preto da noitiña, partirán para iniciar o reparto de agasallos polos fogares do municipio.

Así, a súa chegada a Fene está prevista para o domingo ás 17,30 horas. Irán a Perlío, fronte a Aguilar, para iniciar un itinerario xunto aos seus paxes pola Avenida Marqués de Figueroa, Cruce de Fene e Avenida Naturais, rematando na praza do Concello, onde serán recibidos polo alcalde, Gumersindo Galego. Neste lugar, e baixo carpa, ocuparán os tronos que instalará o Concello e atenderán as peticións de nenos e nenas. Haberá festa infantil, con música, animación e moitos caramelos.
02-01-2020 -

A activista Amelia Tiganus ofrecerá en Fene a charla “Prostitución e pornografía: violencia sexual comercial”

A activista Amelia Tiganus visitará a próxima semana Fene para ofrecer unha charla baixo o título “Prostitución e pornografía: violencia sexual comercial”. Será o xoves 9 de xaneiro a partir das 18 horas no salón de actos da Casa da Cultura con entrada libre ata completar aforo. Así mesmo, nesa xornada e máis o venres 10, acudirá aos centros de Secundaria e Bacharelato de Fene: CPI A Xunqueira, IES de Fene e Colexio Jorge Juan, para impartir charlas ao alumnado sobre pornografía e sexualidade, aspectos que hoxe en día contribúen ao repunte da violencia sexual contra as mulleres, sobre todo na poboación adolescente.