Novas

11-07-2018

Fene celebrará esta tarde o Certame de Habaneiras e Canto Coral

O ciclo “Día de Galicia”, programación deseñada pola Concellería de Cultura de Fene con motivo do 25 de xullo, continúa este mércores co Certame de Habaneiras e Canto Coral. Será a partir das 20,30 horas na praza do Alcalde Ramón Souto González e, nel, tomarán parte as corais polifónicas do CPS de San Valentín, ACDR O Pote de Maniños; SCRD Agarimo de Sillobre e Eterna Xuventude do Centro Social de Fene, así como as rondallas “Perla do Río” do CCRD de Perlío e “Estrelecer” do CMI Unidade de Fene e do Tradicoro. Unha cita que se prevé multitudinaria.
10-07-2018

O grupo de rock ITH presenta o seu último traballo esta noite en Fene no marco do Ciclo “Día de Galicia” organizado polo Concello

O Concello convida a veciñanza e visitantes a asistir esta noite, a partir das 22 horas, ó concerto do grupo de rock ITH, que presentará na praza do Alcalde Ramón Souto González o disco “O mínimo que o contén todo”. A actuación forma parte do ciclo “Día de Galicia” organizado pola Concellería de Cultura de Fene.
09-07-2018

Circo Chosco inaugura o Ciclo “Día de Galicia” co seu espectáculo de novo circo a pé de rúa

A compañía Circo Chosco, co seu espectáculo “Forzu2”, inaugurará esta noite o ciclo “Día de Galicia” que promove o Concello de Fene para conmemorar tan sinalada data. A actuación, que se desenvolverá na praza do Alcalde Ramón Souto González, dará comezo ás 22 horas.
02-07-2018

Arranca en Fene o programa de conciliación da vida laboral e familiar “Verán máis alá!”

O programa de conciliación da vida laboral e familiar “Verán máis alá!” 2018 que promove a Concellería de Cultura que dirixe Rocío Bértoa arrancou esta mañá no CEIP Pluriligüe Centieiras de Fene. Durante o mes de xullo un total de 132 nenas e nenos acudirán ó programa en quendas quincenais de 120 participantes.
26-06-2018

Xuntanza coas familias do programa Verán máis alá! este mércores na casa consistorial de Fene

A Concellería de Cultura informou esta mañá de que o salón de plenos da casa consistorial acollerá mañá mércores, 27 de xuño, ás 20 horas unha xuntanza de presentación do programa de conciliación municipal “Verán máis alá!” á que están convocadas todas as familias participantes.
22-06-2018

Novo horario de verán na Casa da Cultura

A Casa da Cultura de Fene cambia dende hoxe ó horario de verán. Unha medida que afecta á Biblioteca, Museo do Humor, sala de exposicións e aula de estudo.
Así, a partir de hoxe os horarios serán de luns a venres de 10 a 14,15 horas. Manteranse ata o 11 de setembro, incluído.
21-06-2018

Festa acuática este sábado na piscina de Centieiras

A piscina municipal de Centieiras acollerá este sábado, 23 de xuño, a Festa Acuática de clausura das escolas de natación impulsadas polo Concello de Fene, a través da Concellería de Deportes que dirixe Xoán Manuel Bastida, ó longo do presente curso. Clases nas que toman parte uns 300 nenos e nenas en diferentes quendas e que continuarán ata finais de mes.



21-06-2018

Visita do alumnado e profesorado da Escola Infantil “A galiña azul” de Fene á súa mostra “Pequenas crianzas coa arte”

A Casa da Cultura de Fene recibiu esta mañá unha visita moi, pero que moi especial. Os nenos e nenas da Escola Infantil “A galiña azul”, xunto ó equipo docente, achegáronse ata as instalacións culturais para disfrutar, e nunca mellor dito, das súas propias creacións artísticas. Esculturas, cadros ou siluetas de tamaño real dos propios nenos e nenas reunidos nunha mostra, “Pequenas crianzas coa arte”, que esta semana se inauguraba en Fene. Aquí estará ata o vindeiro 29 de xuño, con horario de visitas de luns a venres de 10 a 13 h e de 16 a 20 h e, os sábados, de 10 a 13 h. Esta mañá, o alcalde, Gumersindo Galego, achegábase tamén á Casa da Cultura para felicitar ós pequenos e pequenas artistas feneses.
 
 
18-06-2018

O alumnado da Escola Infantil “A galiña azul” de Fene amosa o seu talento creativo na mostra “Pequenas crianzas coa arte”

Os nenos e nenas da Escola Infantil “A galiña azul” de Fene son uns auténticos artistas e, a partir de mañá martes, 19 de xuño, a veciñanza poderá comprobalo na Casa da Cultura do municipio. Alí, e ata o 29 de xuño, poderá visitarse a mostra “Pequenas Crianzas coa Arte”. Unha recopilación de cadros, esculturas e siluetas de tamaño real dos propios nenos e nenas. O horario de apertura da sala de exposicións será de 10 a 13 horas e de 16 a 20 horas de luns a venres e, os sábados, de 10 a 13 horas.
12-06-2018

Maxia divertida 2.0 este xoves na Biblioteca Municipal de Fene para nenos e nenas

A Biblioteca Pública Municipal “Xosemaría Pérez Parallé” de Fene acollerá este xoves, 14 de xuño, o espectáculo “Maxia divertida 2.0”, a cargo do Mago Paco. Dirixido a nenos e nenas de 3 a 12 anos, dará comezo as 18 horas con entrada libre ata completar aforo.