Novas

11-12-2018

Fene propón un Nadal con concertos, exposicións, maxia, teatro ou contacontos

A concelleira de Cultura, Rocío Bértoa, avanzou esta mañá a programación de actividades que o Concello organizará durante este mes de cara ás festas de Nadal. Unha programación completa e variada, con especial atención nos nenos e nenas, que inclúe dende recitais ata funcións teatrais, contacontos, maxia ou exposicións e festas.
15-11-2018

Arranca o curso de intelixencia emocional organizado polo Concello para o alumnado dos centros educativos

Un total de 28 alumnos e alumnas de diferentes centros educativos do Concello de Fene iniciaron onte á tarde os cursos de intelixencia emocional organizados pola Concellería de Ensino que dirixe Ana Novo. A concelleira acudiu á primeira sesión e valorou moi positivamente a demanda rexistrada, que obligou a ampliar o número de prazas ofertadas inicialmente e, tamén, crear dous grupos en función das idades.
22-10-2018

Presentación este xoves en Fene do libro O novo teatro galego en Perlío: Teatro Círculo e Tagallo de Oti Ríos

Organizada pola Concellería de Cultura de Fene, o local do CCRD de Perlío albergará a presentación do libro de Francisco Oti Ríos, O novo teatro galego en Perlío: Teatro Círculo e Tagallo, editado por Ediciones Invasoras. Será este xoves, 25 de outubro, ás 20 horas e no acto, presentado polo escritor e actor teatral Manuel Guede Oliva, intervirá o autor, Francisco Oti Ríos; o director da editorial, Julio Fernández Peláez, e o alcalde do municipio, Gumersindo Galego.
19-10-2018

O Concello promove un curso de intelixencia emocional para alumnado dos centros educativos de Fene

Desenvolver habilidades de intelixencia emocional nunha contorna lúdica, descubrindo as emocións propias e como xestionalas, potenciando a autoestima e aprendendo habelencias sociais é o obxectivo do programa de intelixencia emocional que porá en marcha a Concellería de Ensino de Fene. Un curso, de sete sesións a realizar entre os meses de novembro e febreiro, dirixido ó alumnado de Educación Infantil, Primaria e ESO –ata 4º curso-. Estará impartido pola psicóloga e coach Fátima García, así como pola facilitadora María Cayón, e inclúe tamén unha charla coas familias dos-as nenos-as participantes.
10-10-2018

O Concello abre o prazo para que o tecido asociativo solicite as subvencións en réxime de concorrencia competitiva

Dende hoxe, as entidades e asociacións sen fins de lucro de Fene poden solicitar as subvencións, en réxime de concorrencia competitiva, que convoca o Concello para apoiar as actividades que desenvolveron no exercicio 2017. Nesta liña, a concelleira de Cultura e Facenda, Rocío Bértoa, explicou que o Concello destinará 75.500 euros do orzamento municipal a este capítulo. Engadiu que as axudas permitirán sufragar gastos de funcionamento das entidades ou ben actividades de carácter cultural, deportivo, educativo ou veciñal realizadas durante o pasado ano ou ben no curso 2016-2017.
08-10-2018

Francisco Oti Ríos presentará en Fene o seu libro O novo teatro galego en Perlío: Teatro Círculo e Tagallo

Organizada pola Concellería de Cultura de Fene, o local do CCRD de Perlío albergará a presentación do libro de Francisco Oti Ríos, O novo teatro galego en Perlío: Teatro Círculo e Tagallo, editado por Ediciones Invasoras. Será o xoves 25 de outubro ás 20 horas e no acto, presentado polo escritor e actor teatral Manuel Guede Oliva, intervirá o autor, Francisco Oti Ríos; o director da editorial, Julio Fernández Peláez, e o alcalde do municipio, Gumersindo Galego.
01-10-2018

O Concello ofrece un obradoiro de fotografía con móbil e cámaras compactas

A Concellería de Cultura que dirixe Rocío Bértoa organizará un Obradoiro de Fotografía con móbil e cámaras compactas. Dirixido a persoas maiores de 16 anos, é imprescindible contar con cámara propia –no móbil, compacta, cámara de acción…-. Trátase dun nivel de iniciación, polo que non é preciso ter coñecementos previos e está pensado para aquelas persoas que desexen iniciarse na fotografía dun xeito práctico e sinxelo.
01-10-2018

A programación municipal cultural para este curso inclúe os obradoiros Xogamos en Inglés e Falamos en Inglés

A Concellería de Cultura que dirixe Rocío Bértoa propón dous obradoiros de inglés na súa programación de actividades para o curso 2018-2019: Xogamos en Inglés e Falamos en Inglés.
28-09-2018

O Concello promove un curso de introdución á ofimática para persoas sen coñecementos previos

O Concello, a través da Concellería de Cultura, organiza un Cursiño TIC de introdución á ofimática para persoas maiores de 16 anos sen ningún tipo de coñecemento previo sobre a materia. Consta de 10 horas e celebrarase os días 2, 9, 16, 23 e 30 de novembro de 17 a 19 horas na Aula Municipal de Informática.
28-09-2018

O Concello aprenderá as técnicas e receitas para xantar á carta cun obradoiro de cociña para vagos e vagas

Para xantar ben non é preciso dispoñer de moito tempo nin de produtos caros ou de mercado. Nin sequera, e aínda que poida parecer mentira, ser un xenio dos fogóns. Por iso, o Concello de Fene, a través da Concellería de Cultura, propón un obradoiro de cociña para vagos e vagas no que pretende ensinar aquelas técnicas e receitas para xantar “á carta” todos os días.