ADEGA
Art-Natura na Casa da Cultura
25 de febreiro de 2008 A exposición Art-Natura, na que participan artistas e escritores/as galegos/as coa temática da defensa do medio natural, inagúrase o mércores 27 de febreiro ás 20.00 h na Casa da Cultura de Fene.
A exposición ART NATURA, promovida por ADEGA , é unha mostra itinerante por todo o territorio de Galicia en defensa da Rede Natura galega e en defensa do noso Patrimonio Natural. Participan nela máis dun cento de artistas galegos con 102 obras plásticas, 28 literarias, e 2 audiovisuais.
A exposición, que se poderá visitar até o 14 de marzo, ten programada a realización de tres encontros:
12/03/2008 Encontro con fotógrafos/as ás 20.00 h
13/03/2008 Encontro con pintores/as ás 20.00 h
14/03/2008 Encontro con escritores/as ás 20.00 h
A mostra realízase coa colaboración da Concellería de Cultura e Ensino do Concello de Fene.
